Танилцуулга

Товч танилцуулга

Улаанбаатар хотноо 2013 оны 5 дугаар сарын 1,2-ны өдрүүдэд , Төрийн ордонд бичил уурхайчдын анхдугаар их хурал зохион байгуулагдаж, орон нутгийн удирдлагууд, хувиараа ашигт малтмал олборлогч иргэд, бичил уурхайчид нийт 280 гаруй төлөөлөгчид оролцон, Монголын бичил уурхайн нэгдсэн дээвэр холбоог анх үүсгэн байгуулсан түүхтэй.

“Монголын бичил уурхайн нэгдсэн дээвэр холбоо” байгуулагдсанаас хойш өдгөө 15 аймгийн 45 суманд 70 гишүүн байгууллагуудтай, 429 нөхөрлөлийн зохион байгуулалтад орсон нийт 6500 гаруй гишүүдтэйгээр үйл ажиллагаагаа явуулж байна. МБУНДХолбоо нь гишүүдийнхээ эрх ашгийг хамгаалах, дуу хоолойгоо бодлого боловсруулагчид болон олон нийтэд хүргэх зорилгоор нэгдэн ажиллаж байна. МБУНДХ нь бичил уурхайн чиглэлээр нөхөрлөл, хоршооны зохион байгуулалтад орж, хуулийн дагуу үйл ажиллагаа явуулан нөхөн сэргээлт хийж  орон нутагтаа хүлээлгэж өгдөг, хариуцлагатай бичил уурхайчдыг бий болгох, мөн  орлогын эх үүсвэрээ нэмэгдүүлэхэд нь дэмжлэг үзүүлж хамтран ажиллаж байна.

Алсын хараа:

Хөгжлийн үр шимээс тэгш шударгаар хүртэх боломжтой нийгмийг бий болгох.

Эрхэм зорилго:

Байгаль орчинд хал багатай нийгмийн хариуцлагатай бичил уурхайг хөгжүүлэх, бизнес эрхлэх таатай орчин бүрдүүлэх замаар бичил уурхайчдын хөгжих эрхийг хангах, амьдралын төвшинг сайжруулахад оршино.

Удирдлага бүтэц зохион байгуулалт

Манай холбоо удирдах зөвлөлийн 9, хяналтын зөвлөлийн 5 гишүүн, гүйцэтгэх албанд 4 ажилтантай ажиллаж байна. Холбооны сургалтын алба нь бичил уурхайн зохион байгуулалт, эрх зүйн орчин, бизнес хөгжил, нөхөн сэргээлтийн гэх мэт нийт 18 сургагч багштай.  Холбооны удирдах зөвлөл, хяналтын зөвлөлийн гишүүд нь гишүүн байгууллагуудын төлөөллүүдээс бүрдсэн. Тэдгээрийг тэгш оролцоог хангах зарчмыг баримтлан төвийн, зүүн болон баруун бүсээс ашигт малтмалын төрөл зүйлээс хамааруулан сонгосон.

Баримтлах үнэт зүйлс, зарчмууд

  • Сайн дурын гишүүнчлэлд суурилна
  • Хамтын удирдлагын зарчмыг хэрэгжүүлнэ
  • Ил тод, нээлттэй, ардчилсан зарчмаар ажиллана
  • Манлайллыг хөгжүүлэхэд үйлчилнэ
  • Оролцоо, олон ургалч үзэлд тулгуурлана
  • Нээлттэй, тэгш хамтын ажиллагаа, өргөн түншлэлийг хөгжүүлнэ
  • Ёс зүй, хариуцлагыг баримталж, ашиг сонирхлын зөрчлөө тухай бүр мэдээлж, зохицуулна
  • Хүчирхийллээс ангид, хүлээцтэй хандлагыг баримтална
  • Шударга ёс, хуулийг удирдлага болгоно

Үйл ажиллагааны чиглэл:

  • Гишүүн байгууллагын хөгжил, чадавхыг бэхжүүлэх
  • Орон нутаг дахь хувиараа ашигт малтмал олборлогч иргэдийг хуулийн хүрээнд бичил уурхайн зохион байгуулалтад оруулах, хууль дүрмийн талаар мэдээлэл түгээх
  • Гишүүн байгууллага болон төр, хувийн хэвшил, орон нутаг, санхүүжүүлэгч, иргэний нийгмийн байгууллага хооронд зуучлах гүүр болох
  • Бичил уурхайчдыг эрүүл мэндийн урьдчилан сэргийлэх үзлэгт хамруулах, мэдлэг олгох
  • Хариуцлагатай, байгаль орчинд хал багатай,  аюулгүй ажиллагааны арга,  барилд  сургах, албажуулах
  • Бичил уурхайчдыг өөр ажлын байранд шилжүүлэхэд чиглэсэн төсөл хөтөлбөрт хамруулах, зуучлах
  • Судалгаа, бодлогын дүн шинжилгээ, хэрэгжилтийн үнэлгээ хийх
  • Алтыг албан ёсны сүлжээгээр нийлүүлэх, МУ-ын Эрдэнэсийн санд төвлөрүүлэх ажлыг зохион байгуулах
  • Шударга олборлолтод нэгтгэх, стандартыг мөрдүүлэх
  • Байгаль орчны зүй бус зөрчлийг бууруулах, бичил уурхайн нөхөн сэргээлтийн аргачлалыг  нэвтрүүлэх

    Хамтран ажиллах хэлбэр:

    Холбоо нь үндсэн зорилгоо үр дүнтэй хэрэгжүүлэхийн тулд төрийн болон төрийн бус байгууллагууд, олон улсын донор байгууллагуудтай дараах хэлбэрээр хамтран ажиллана.

    • Мэдээллээ харилцан солилцох, туршлага, арга зүйгээ хуваалцах.
    • Мэдлэг туршлага, хүч, нөөцөө нэгтгэн, хамтран ажиллах, харилцан туслалцах.
    • Нийтлэг алсын хараа, ашиг сонирхол, нэгэн зорилгын төлөө нэгдэн ажиллах.
    • Тэгш эрхт, үр дүнтэй түншлэлийг хөгжүүлэх.

     

 

 

 

 

 

 

Хэл солих

    Etiam magna arcu, ullamcorper ut pulvinar et, ornare sit amet ligula. Aliquam vitae bibendum lorem. Cras id dui lectus. Pellentesque nec felis tristique urna lacinia sollicitudin ac ac ex. Maecenas mattis faucibus condimentum. Curabitur imperdiet felis at est posuere bibendum. Sed quis nulla tellus.

    ADDRESS

    63739 street lorem ipsum City, Country

    PHONE

    +12 (0) 345 678 9

    EMAIL

    info@company.com